Proclamatie Prins Boy I

Ich prins Boy der ieërste, Klinge sjtadsprins va hiëel Gullepe; Groeete, klinge vorst van dur Berg, trotse bezitter van ut Prinsekesjtieel va Berghem en heerser van basissjoel de Triangel

Ich maak uch ut volgende bekint:

Ten 11e

Vanaf de kleutersjoeel zunt vur al vrung. Wat ving ich ut sjiek das du mich dur mondig noa de zitting beldes en dich vursjtildes als dur nuuje nar va Gullepe. Julian, vur gunt dur same u geweldig joar va maken.

Ten 10e

Als klinge jong zoot ich al bie de prinsengarde jonges. Mienge groeete broor dur Jelle zoot bie dur road en ich kos neet wachte tot ich zelf bie dur road mocht. Noe een aantal joar bie dur road, gon ich dur same mit mieng vrung van dur road u geweldig joar durva make als prins va Gullepe.

Ten 9e

Normaal gesjproke is de juf de bazin in de klas. Mer tot asjgonstig bin ich noe dur baas. Dus vur zulle de kommende weak neet liere want dan hant vur ut te druk mit vasteloavend viere. De sjoeel hat get nuujts bedacht en eigenlijk pakt dat vur mich hieel gunstig oet. Ich moch namelik twieje kieer carnaval viere mit de kinger van dur Kindercirkel.

Ten 8e

Carnaval viere han ich mit dur papleapel in gegoate gekreage. Mit 6 daag oad, keak ich al dur iersjte optoch. De pap en de mam sjleapte mich uvveral mit heen. Mienge peatenonk is hofnar gewes en ich moch mich dur iersjte prins van de familie Hautvast neume.

Ten 7e

Als kink dooch ich al vaak same mit ut Lieke en dur Jelle ut oetroope oefenen.Dis kieer woare zie juus zoe verras wie mich, want och zie wiste van niks. Oh joa en hiebie wool ich uch effe zigge dat dur Playstation tot esjgonstig va mich is.

Ten 6e

De E1 kint de kommende weaken neet voetballe, vur motte mit dur road op sjtap. Mer vur gunt same dur vur zurrige dat vur fit blieve en os conditie trainen in de powerpolonaises die vur dis daag gunt lopen. Dan weat ich zieker dat ut doanoa wel goot kump op ut veld.

Ten 5e

De luuj van dur Berg wil ich alvas bedanke vur mieng sjun prinsenresidentie. Dur pap en de mam nuujdigt uch noa die daag oet vur inge te komme drinke. Aan alle luuj va Gullepe wil ich vroage um ins dur Berg op te vare um te komme kieke noa mie sjun Prinsekesjtieel.

Ten 4e

Carnavalszondig wet unne sjunne daag. Ich wunsj mich vur dee daag: unne sjunne wage, veul luu langs dur kant en ut zunneke dat moch zich loate zieje. Dan zulle mienge nar en ich dur vur zurge dat genog sjnuuts wet oetgebruut.

Ten 3e

Ich hoap die daag mienge groeete collega dur prins Peter, zienge hofnar ut Mariella en zie gevolg veul teage te komme onderweag. Ich ving ut sjun das du op mieng receptie woars, carnavalszotterdig kom ich noa dieng receptie.  Drinkse dich sjtrak alvas u sneeuwwitje mit mich?

Ten 2e

Leef ouwersj va Gullepe, ich wil uch vroage um de kinger un sjtundje langer op te loate blieve die daag. Want alling kin ich ging carnaval viere. Dus zut neet te sjtreng en loat de kinger danse, zinge en sjpringe get langer da normaal.

Ten 1e

Leef kinger va Gullepe. Same mit uch, mienge nar en de jonges van dur road va illef wil ich een geweldige carnaval goa viere. Zeut leef vur de pap en de mam want da hasse kans dat dur een sjtond langer mit mich mocht blieve sjpringe.

Ich wunsj uch allemoal een geweldige carnaval toe, dans, zing, lach en maak vural veul sjpass!

Opgesjreëve in ut 57e joar van de Gulpener kingercarnaval,

Prins Boy der ieërste,

ALAAF!

Gaarekiekerkes@ Social Media